Ехо на абдомен

Ултразвучното снимање (ехо) на абдоменот се користи за да помогне во дијагностицирање на болка или дистензија (зголемување) и проценка на бубрезите, црниот дроб, жолчното кесе, жолчните канали, панкреасот, слезината и абдоминалната аорта.

Ултразвукот е безбеден, неинвазивен и не користи јонизирачко зрачење или контрастни бои, така што може безбедно да се користи за време на бременоста или во присуство на алергии на контрастна боја.

Кои се некои од вообичаените причини за снимањето?

Ултразвучното снимање (ехо) на абдоменот се врши за да се проценат:

• бубрезите
• црниот дроб
• жолчното кесе
• жолчните канали
• панкреас
• слезината
• абдоминална аорта и други крвни садови во абдоменот

Ултразвукот се користи за да помогне во дијагностицирање на различни состојби, како што се:

• абдоминална болка или дистензија (зголемување)
• абнормална функција на црниот дроб
• зголемен абдоминален орган
• камења во бубрезите
• жолчни камења
• аневризма на абдоминална аорта (ААА)

Доплер ултразвукот му помага на лекарот да види и процени:

• блокирање на протокот на крв (како на пр. згрутчување)
• стеснување на садовите
• тумори и вродени малформации на крвните садови
• намален или сопрен проток на крв во различни органи, како што се тестисите или јајниците
• зголемен проток на крв, што може да биде знак за инфекција

Други сродни процедури кои може да се изведат за да се процени абдоменот вклучуваат рендген на желудник со каша, компјутерска томографија (КТ) и магнетна резонанца (МР).