Кога да побарате помош од специјалист ортопед?

22-06-2022

Заради општото стареење на популацијата, бројот на лица со мускуло-скелетни заболувања е во постојан пораст.

Речиси 1/4 од населението кај нас има некаква мускуло-скелетна болест. Од симптомите, најчеста е болка во долниот дел од грбот.

Мускуло-скелетните заболувања значително ја ограничуваат подвижноста, што предизвикува намален квалитет на животот и спречува активно учество во општеството.

Типичен симптом на сите овие заболувања е болката (најчесто хронична) во:

  • зглобовите, како што е остеоартрит, ревматоиден артрит, псоријатичен артрит, гихт, анкилозирачки спондилит;
  • коските, како што е остеопенија, остеопороза и придружните фрактури;
  • ‘рбетот, како што се болки во вратот и грбот.

Најчесто, причината за болка во долниот дел од ‘рбетот се повреди на меките ткива. Овие повреди вклучуваат оштетувања на меѓупршленските дискуси, компресија на нервните корени или неправилно движење на меѓупршленските зглобови.

Убедливо најчеста причина за болка во долниот дел од грбот е истегнат мускул и/или лигамент. Од практични причини, не е битно дали е оштетен мускулот или лигаментот, затоа што симптомите и третманот се исти. Ова може да настане ненадејно, или постепено да се развие поради повторувачки движења.

Вообичаени причини за истегнување се:

  • Кревање на тежок предмет, или странично извиткување на ‘рбетот за време на кревањето
  • Ненадејно движење кое предизвикува премногу стрес врз долниот дел од грбот, како што е на пр. паѓање
  • Долготраен лош постурален став
  • Спортски повреди, особено кај оние спортови што вклучуваат извиткувања или силни удари

Болката може да се смета за хронична ако трае подолго од 3 месеци.

Причини за хронична болка во долниот дел од грбот:

  • Херниација на лумбален диск.
  • Дегенеративни заболувања на меѓупршленските дискови.
  • Дисфункција на меѓупршленските зглобови.
  • Дисфункција на сакроилијачниот зглоб. .
  • Лумбарна стеноза на ‘рбетот.
  • Спондилолистеза.
  • Остеоартрит.
  • Деформитети.
  • Повреда.
  • Компресивна фрактура.

Кога ќе почувствувате болка во мускул, тетива, лигамент или зглоб, побарајте помош од специјалист ортопед.

Повеќето мускуло-скелетни повреди се не-хируршки, така што сѐ освен скршеници може да се третира во специјалистичка амбуланта по ортопедија, вклучително и дијагностика на нервни болки.

Специјалистот ортопед најдобро разбира од каде доаѓа болката и кој е најдобриот начин за нејзино третирање. Тој ќе понуди најминимално-инвазивни и најконзервативни можности за ублажување на болката, независно дали потекнува од:

  • грбот и вратот
  • рамената
  • колената
  • колковите
  • лактите
  • стапалата и глуждовите
  • дланките

Првото нешто кое специјалистот за болка ќе го направи е подобро да ја разбере Вашата болка. Третманот на ортопедската болка е ефикасен само ако дијагнозата е точна.

👨‍⚕️ Специјалист ортопед во Мед-Х.

Телефони за закажување достапни нон-стоп: 📱 076 344 343, 📱 078 345 070 или ☎️ 02 2792 003

🏥 Med-X – со нас се живее подолго.

www.medx.mk

Останати новости

15/03/2023 Stefan Vidinski

Управување со болка

Вовед Животот со хронична болка може да биде фрустрирачко и исцрпувачко искуство. Тоа може да ги направи дури и едноставните задачи, како што се станувањето од кревет или готвењето оброк, да изгледаат...

01/03/2023 Stefan Vidinski

Напредни технологии за дијагностичко снимање

Како напредните технологии за дијагностичко снимање можат да помогнат во откривање и спречување здравствени проблеми? Оваа статија се фокусира на тоа како современите технологии за дијагностичко снима...

22/02/2023 Stefan Vidinski

Цервикална и лумбална радикулопатија: улога на медицинските снимања

Цервикалната и лумбалната радикулопатија се две вообичаени состојби кои влијаат на нервите во вратот и долниот дел од грбот, соодветно. Овие состојби може да предизвикаат болка, вкочанетост и слабост ...